كرات البطاطا بالدجاج

المقادير للبطاطا خمس حبات بطاطا وملعتين زبدة وبهارات (ملح _بهار ابيض ) للدجاج كيلو صدر دجاج فليفلة ملونة المتوفر عندكن بصلة بهارات (ملح _بهار ابيض _فليفلة حمرا _بهار مرقة الدجاج) وشوية زيت للتقلاية للبشاميل ملعقة زبدة شوية زيت نباتي ملعقتين طحين كاستين حليب بهارات (ملح _بهار ابيض _جوزة الطيب ربع ملعقة ) جبنة موزاريلا حسب الرغبة الطريقة بسلق البطاطا وبهرسا منيح وبحطلا الزبدة البهارات وبتركا عجنب لحتى تبرد بقلي البصلة وبضفلا الدجاج المقطع اصابع وبتركا لحتى تستوي وبضفلا الفليفلة الملونة والبهارات وبتركا شوي لتدبل الفليفلة وبطفي تحتا لصوص البشاميل بحط ملعقة زبدة وشوية زيت نباتي وبحط الطحين وبحمصو شوي بعدا بضيف الحليب بالتدريج ضروري يكون الحليب فاتر او دافي وبضيفو بالتدريج مع التحريك المستمر لحتى ما يتكتل وبضيفلا البهارات وبعدين لحتى يسمك شوي وبيصير جاهز وصار عندي كل شي جاهز بطبقن بالبايركس وبكور البطاطا كرات وسط وبحطا فوق الدجاج والبشاميل وبحط ع وشا الجبنة وع الفرن عشر دقايق وبتصير جاهزة وصحتين وعافية

الفئة