كيكة الجوز من اشهى الكيكات ️️

المقادير ٥ بيضات كاسة ونص سكر (واذا بتحبو حلاوتو اخف حطو كاسة بس ) تلت رباع كاسة زيت نباتي كاستين ونص طحين ملعقتين حليب بودرة كاسة ماء مغلية (وفيكن تستبدلو حليب البودرة والماء بكاسة حليب مغلية ) ملعقة فانيلا ملعقة برش ليمون او برتقال ملعقة خل ابيض جوز مقطع الكمية حسب الرغبة ملعقة صغيرة جوزة الطيب مطحون وملعقة قرنفل مطحون (بهالكمية بتكون نكهتو ظاهرة اذا ما بتحبو نكتهو فيكن تضيفو نص الكمية ) نص ملعقة قرفة ناعمة ملعقة باكنغ بودر ملعقتين نشا ربع ملعقة ملح الطريقة اول شي بحمي الفرن وبدهن القالب بشوية طحينة بعدا بنخل الطحين مع النشا والباكنغ بودر والحليب والملح وببلش بخفق البيض مع الفانيلا والبرش والخل لمدة ربع ساعة بعدا بضيف السكر وبرجع بخفقو كتير منيح وبضيف الزيت وبخفق واخر شي بضيف الخليط الجاف وبخلط بالايد وبضيفو بالتدريح مع اضافة الماء المغلية وبضفلو البهارات والجوز وبعدا بصبو بالقالب وبحطو بالفرن و الفرن حرارتو متوسطة ما بتفتحو الفرن ابدا واخد معي تقريبا ٤٥ دقيقة ولما تطفو النار تركوه خمس دقايق قبل ما تطالعوه من الفرن ولا تقلبوه لحتى يبرد ع الاخر وصحتين وعافية

الفئة