طريقة عمل الجريش طعااامه رمضان يجمعنا قناة خلطه من وصفات مي التويجري

#قناة_خلطه #رمضان_يجمعنا #طريق_عمل_الجريش طريقة عمل الجريش طعااامه رمضان يجمعنا قناة خلطه من وصفات مي التويجري ❤️ المقادير : كاس وربع او ونصف جريش تركي مغسول ومنقوع ربع كاس رز مصري كاس كبير لبن وليس حليب علبة زبادي اختياري نص دجاجة منزوعة الجلد بصل ابيض مقطع فلفل بارد للنكهة فقط وممكن اضافة فلفل حار للي يحبونه بس انتبهوا لا يكون مفتوح عشان لا يصير الجريش حار ملح حسب الرغبة حليب بودرة تقريباً خمس ملاعق ( اختياري بس يعطي طعم لذيذ) عصير ليمونة اختياري ملعقتين كبيرة كمون الطريقة : بعد تسخين قدر الضغط الكهربائي اضيف البصل المقطع والفلفل والدجاج واضيف لها موية حارة واسلق الدجاج لمدة ربع ساعة وبعدين اشيل الدجاج منهوبعدها اضيف كوب اللبن واخليه يغلي شوي بعدين اصفي الجريش والرز واضيفه واحركه عشان اخلط الرز بالجريش بعدين اضيف ملعقتين كمون ولازم تكون الموية تغطي الجريش بزيادة واكتمه واختار خيار الجريش وبعد مايستوي ممكن تضيفين الزبادي مع شوي حليب بودرة وهذا اختياري بس يعطي طعم لذيذ واضيفه للجريش وان وممكن تضيفين عصير ليمونة واضربيه زين لين يندق الجريش ويكون باتجاه واحد عشان ما ينقطع عرق الجريش ويصير الجريش كانه مقطع واكتميه وخليه على التسخين عشر دقايق وبعدين قدميه مع كشنة بصل الجريش والتمر الهندي وطريقة كشنة الجريش: بصل مقطع ومسمنة وكركم وصلصة لين يذبل البصل واذا ماعندك مسمنة اكتفي بالليمون الاسود المطحون وشوي هيل وقرفة وكركم والصلصة التمر الهندي تحطين عليه شوي موية مغلية وتغلينه على النار لمدة خمس دقايق مع التحريك لين تثقل مويته وبعدين صفيه بالصفاية وعند غرف الجريش حطي بالوسط التمر الهندي زي حفرة بسيطة والبصل وزعيه على الجنب زي اللي بالصورة وبالعافية عليكم 😘 /watch/Ml_QHYtlY15lQ

الفئة