خبز هندي - براتا- جباتي - شباتي- فطيره تعددت المسميات والمضمون واحد

مطبخنا اليوم هندي وبجداره والطعم طبعا حكااايه الطريقه العجينه 3 اكواب دقيق ابيض وممكن دقيق بُر 2 م ص ملح بيضه مويه تكون بحرارة الجسم يعني اقل من الدافيه بشويه اخلط جميع المكونات وأبدأ بإضافة المويه بالتدريج لغاية مااحصل ع عجين لين انا اخدت مني كاسة مويه بس اهم خطوه وهي العجن لازم اعجن اقل شي 7 دَ وكل ماطولنا ف العجن تعطينا نتيجه افضل بعد كدا اغطي العجين واتركه يرتاح اقل شي نص ساعه تجهيز الخُبز اقسم العجينه لكور متوسطة الحجم واخليها ترتاح بس 10 دّ وطبعا اغطيها بفوطة مطبخ خاصه للعجين بعد كدا افرد قطعه وأحاول أخفف العجينه وارققها قدر المستطاع واضيف السمنه ع العجينه وأوزع السمنه ع العجينه كامله بعد كدا ألفها بالطريقه الموضحه ف الفيديو بعد لف العجينه ارش عليها شوية دقيق واغطيها بالفوطه لغاية ماانتهي من كل الكميه اتركهم نص ساعه وبعدها ارش شوية دقيق وأفرد العجينه بخفه 📌يعني مااضغط ع العجينه بقوه وقت الفرد عشان ماتطلع السمنه وتخرب العجينه وأفردها رقيقه جدا بعد كدا اسخن الصاج وع حراره متوسطه ارش شوية سمنه واحط العجينه وارش ع الوجه كمان سمنه واقلب ع الوجه التاني لغاية ماتتحمر 📌📌 اذا حابين الخبز يكون مقرمش أحطه ع شبك كل قطعه ع حده يعني مو فوق بعض ومااغطيهم يطلع مقرررمش وإذا حابينوا ليّن ويتلف اول مايحمر ارفعه واحطه ع طبق واغطيه بفوطه بكدا يطلع طري وممكن تعملوا نفس العجينه بالبر نفس المقادير والطريقه بس وقت خبز البر اقل يعني ماتطولوا تخلوا الحراره مرتفعه شويه وتحمروا الخبز سريع كم قلبه بس يحمّر خلاص ارفعه واغطيه يطلع طري ولذيذ 📌📌 ممكن نستبدل السمنه بالزيت وإذا حابين الخبز صحي تلغوا الماده الدهنيه تماما بس طبعا بالسمنه تطلع اطيب😬 اتبعوا كل الملاحظات وحتحصلوا ع خبز هندي ولا اشهى😊

الفئة