NOC भन्छ: मासिक ५ अर्ब २० करोड घाटामा छौं, सरकारले अनुदान या कर घटाओस पेट्रोलियमको मुल्य कम गर्छौं

नेपाल आयल निगमका नि.नायब कार्यकारी निर्देशक नागेन्द्र साहले २०७८ कर्तिक २८ गते संवाद डबलीसंग कुरा गर्दै, निगमलाई मासिक ५ अर्ब २० करोड घाटा भइरहेकोले मुल्य घटाउन सरकारले अनुदान या कर घटाउनु पर्ने बताएका छन् । साहले अगाडी भने “१ सय ५३ रुपैयाँमा पेट्रोल खरिद गरेर १ सय ३६ मा विक्रि गरिरहेको कुरा कस्ले बुझ्ने हो कुन्नी ? हामीले भारतबाट ८३ मा खरिद गरेर ल्याउँछौं, त्यसमा नेपाल सरकारले विभिन्न शिर्षकमा गरेर ५८ रुपैयाँ राजश्व लगाउने गरेको छ, ५ रुपैयाँ भारतबाट थानकोटसम्म ढुवानी भाडा र वीमा, डिपोबाट डिलरसम्म उनिहरुको कमिसन र त्यसबीचको खर्च ५ रुपैयाँ, ७० देखि ८० पैसा जतिको बीचमा उड्ने वा बास्पिकरण भएर जानेमा हुन्छ, तलब–भत्ता, सेवासुविधा र अफिसियल खर्च प्रति लिटर ७० पैसामा व्यवस्थापन गर्ने गरेका छौं । हामीले ७० पैसामा प्रशासनिक खर्च व्यवस्थापन गरेकाछौं तर छिमेकी देश भारतमा भने २ रुपैयाँ प्रति लिटर खर्च गर्छन्, तर अझै अपगाल हामीमाथि नै । सेल्सकै भोलुममा हेर्दा हाम्रोमा ०.५ प्रतिशत पनि प्रसाशनिक खर्च भएको छैन, अनि मानिसहरु आरोप लगाउँछन्, आयल निगमले अरबौ अपचलन गर्यो ।”

الفئة