ممنوع تفل _ الجزء 26 _ القصة بالوصف

لمار:وينو بانو غرفة هوي بسام:هي يلي عليسار..طولي بالك لاترتعبي نشالله رح يطلع بخير وسلامة ليش كل هلبكي ..قرب مني وغمرني لمار:ماقلي..لك ماقلي شي ابداً بسام:مابدو ياكي تخافي لمار:خراس انتي التاني شو هلمنطق انا اول الناس لازم كون جنبو بسام:طيب مقبولة منك لانك معصبة ههه سالي:اوخ لقيتكون بسام:اهلين شو مين خبرك انتي سالي:كنت عندها بلبيت بسام:ايوا..طيب روقي اقعدو هونيك علكراسي رايح جبلك مي لمار:ايمتا فات بسام:ماصرلو غير ساعة لمار:بس هي العملية كتير خطيرة نتائجها غالباً مابتكون ناجحة كيف بيقرر لحالو بسام:لمار وضع جوزك صار كتير سيء والدوا بطل يجيب نتيجة ماضل قدامو غير هلحل الدكتور يلي عم يعملو العملية كتير شاطر ونشالله بيطلع منها لمار:يارب.. سالي:مسحي.دموعك ودعيلوو لمار:لازم نتصل على بيت حمايي بسام:بلا ماتخوفيون لمار:لكن ينشغل بالا اول عن اخر بدن يعرفو بسام:طيب انا هلئ بدق لعمك لمار:شربت نص الانينة يلي جابها وانا رايحة جاي بلممر..بعد شوي اجو كلون مرتعمي دغري ركضت غمرتني هي وعم تبكي سالي:لولو انا امي عم ادقلي لازم روح لمار:ولايهمك روحي سالي:امانة حاكيني طمنيني بس يطلع لمار:اي اكيد سالي: باي ياروحي  كلياتنا كنا خايفين وانا تحديداً حاطة ئلبي بايديي وعم حاول كون قوية وماابكي قدام امو امي:لمار تعي اقعدي لك بنتي ماوجعوكي رجليكي لمار:بسام مو كانو طولت الهن اربع ساعات بسام:احتمال يضل سبعة جوا العملية مابعرف ضياء:طيب شي حدا يطلع يطمنا علقليلة ندى:هلئ بركي بتطلع شي ممرضة كريم:لمار..بابا كرمالي تعي اقعدي وادعيلوو بسام:انا رايح جيب شي شغلة تاكليها ليكي وجهك كيف اصفر لمار:لا مابدي شي مو مشتهية امينة:ماترد عليها روح جبلها صندويشة بسام:رايح مابطول لمار:لمحت ممرضة طلعت من الباب دغري ركضت لعندها لمار:لو سمحتي طمنيني شو وضع جوزي الممرضة:يامدام انا ماعندي اي معلومات لسعتو تحت العملية لمار:غمضت عيوني وتنرفزت..شلون يعني ماعندك معلومات بدي اعرف شو عم يصير جوا ندى:يي لمار اهدي شوي مو هيك الممرضة: انا مافيني فيدك بشي انا جوا عم ساعد وبس وطلعت لجيب معدات لازمة لمار:حطيت ايديي عراسي وانا عم اتمالك اعصابي..اووف ياربي يارب يارب امينة:ياروحي انا ادعيلوو احسن شي بتعمليه هلئ انك تدعيلو لمار:اجا بسام وعطاني الصندويشة اكلت منها لقمتين ورجعتا ماقدرت كملها ..تلفت من الوقفة والشمس رح تغيب ومافي ولاحدا لهلئ طلع من جوا..قعدت علكرسي بين امي وحماتي ركيت راسي عكتف امي ومابعرف كيف غفلت عيني ...شفت الدكتور طلع من الغرفة شال الكمامة ووجهو مابيتفسر اطلع فينا كلياتنا بعدين نزل راسو لمار:اياد شو وضعو دكتور؟ بسام:شو دكتور طمنا الدكتور:مع الاسف.. لمار:لا لا لا لاتكمل..اياد منيح صح الدكتور:انا اسف والبقية بحياتكون لمار:لا هه اياد منيح انتي عم تكذب اياااد اياااد قمت من علكرسي وركدت عباب غرفة العمليات مسكني بسام وانا عم ابكي وصرخ لمار:بدي شوفو اياد مامات انتي عم تكذب..اياااد امي:اعوذ بلله من الشيطان الرجيم..لمار صحصحي ياروحي لمار:فقت وانا عم صرخ وعرقي عم يزخ وهلئ لستوعبت انو كابوس وامي عم تحاول تهديني امينة:بسم الله كابوس لك بنتي استهدي برحمن فيقي لمار لمار:انتفضت من علكرسي وانا عم ابكي لمار: حدا طلع شي😭 كريم:حسبي الله ونعم الوكيل بسام:لا لسا..تعي معي غسلي وجهك لمار:دخلت علحمام ولسا الكابوس ماثر علي ماعم يروح من بالي ضليت غسل بوجهي لغرئت بلوزتي بسام:لسا مالحقتي تغفلي شو شفتي! لمار:مابدي احكي فيه امشي نرجع..طلعنا لفوق شفت الدكتور واقف بلممر وعم يحكي ضليت واقفة بمكاني مالي قلب اسمع شي مابدي اسمعو لاني رح اوقع من ارضي بسام:دكتور بترجاك طمنا نحنا ناطرين هون من الضهر ومامنعرف شو عم يصير جوا ؟ الدكتور:الف الحمدلله العملية نجحت وبعد شوي رح ننقلو علعناية المشددة ضياء:الحمدلله يارب امينة:وضعو كيف دكتور الدكتور:بصراحة التعب يلي صار بلعملية لايوصف ..والحمدلله نجحت بس لسا في كتير شغلات مابتبين لحتى يصحصح ممكن مايصحى لمدة يوم كامل ممكن يومين كريم:غيبوبة يعني الدكتور:هيك شي اي.. الحمدلله عسلامتو ضياء:الله يسلمك لمار:وقت شفت ندى عم اضم حماتي وعليت صواتن بلشو دموعي  يهرو مشيت لقدام باب العملية وشفتن عم يطالعو بلسرير لمار:ياروحيي اياااد الحمدلله عسلامتك ياقلبي ..ايااد سمعاني كنت عم امشي معون مسكت ايدو قام فجاءة شد على ايدي لمار:ههههه امي مسك ايدي اياد انتي سمعاني صحي..انا بحبك كتيررر ازا سمعاني شد على اصبعي شفتو كيف مسك اصبعي بقوة قلبي فرفح وصرت ابكي..ههههه مسكها بابا ليك ولله عم يسمع الدكتور:وارد كتير يسمع كلشي ويحس بلناس يلي حواليه بس مايقدر يحكي او يفتح عيونو لمار:اخدو بلاصنصير علعناية المشددة وتسكر الباب ..اطلعو فيني كلن كنت متل المجنونة بنظرن عم ابكي واضحك بنفس الوقت وكلياتني مرتعبة علي..بس مو بايدي بحبو بجنون ومافيني اتخيل حياتي بلااه ***بعد مرور ستة سنوات*** لمار:اياد بعد ماتعافى تماماً قدمت باقي امتحانتي وعملي حفلة تخرج بتجنن بحضور الكل بعد سنة بضبط طلعت حامل بنفس اليوم يلي فيه تزوجو بسام وقمر ولدت بنوتة واياد سماها غزل😍 ورفيقتي سالي تزوجت هي وطارق واليوم انعزمو الكل لعند بيت حمايي ندى عاملة عيد ميلاد لأبنها طبق السنة..دخلت حممتتها ولبستا كرمال روح انا كمان اعمل دوش وجهز حالي لمار: بتقعدي عاقلة لبين مااطلع من الحمام ماشي ماما غزل:مامثطيلي شعري بدك روح لعند عمتو وثعري منكوش لمار:يالطيف لسانك شو طويل..لا ياروحي بس اطلع من الحمام بمشطلك ياه لانو لساتو مي اوعك تقومي لهون ولا لهون حفظانتك بصم بدبحك خراب مافي فهمتي..غمزتلي بعيونها وهزت براسها غزل:خلث لوحي بئا رح العب بلباربي مالح خرب ثي لمار:ماشي يؤبشني العاقل..فقلت الباب وخبيت المفتاح لانو مابعرف شو بيخطر على عقلها كتير بتنط وبتحرحر..طلعت من الحمام باتجاه غرفتي بس ماسمعتلا حس بصالون  رحت لشوفها لقيت الالعاب معبين الارض ومانها بمحلاا لمار:غزل..وينك وليه يتبع بتعليق ...

الفئة