زيارة هيل غطت على كتاب الف صورة وصورة لحسان دياب خليني ساكتة (٢٠)

حدا صاير في متلي، اذا ما غلطت بالاسم الصغير بغلط باسم العيلة في شي غلط؟ بالاسم قصدي مش بالتكليف التكليف عارفينه كله غلط بغلط انه سمعنا ولساننا آخد بس عون، حريري، جنبلاط، بري، عون اه هيدا قلناها الجميل، جعجع، كرامي، فرنجية، نصرالله، المر ومؤخرا باسيل ومنرج منعيد هيدي خضة اجتماعية للبلد مش بس سياسية شو يعني تفوتوا اسم من خارج العائلات السياسية المعروفة علينا شو نحن ناقصنا؟ بيكفي وضعنا مع المصارف، اللي من يوم ما وصل الرئيس المكلف ما صدقت كيف حدا شال عن اكتافها الحكي صرت بتروح عالبنك دغري قبل ما تقول بونجور بقل لك وطينا السقف، يا حبيبي قد ما وطي هالسقف ضرب بالارض ورح يبلش يحفر تحتها بتحس بعد شي يوم بدك تفوت عالبنك تقل له بدي ١٠٠ دولار يعطيك بدالها حبة علكة ويقل لك ما في فراطة اصلا ما بعرف نحن ليه بدنا نتعامل مع عملة عليها صورة بينجامين فرانكلين، خصوصي انه جايينا رئيس حكومة فوتوجينيك اكتر مما منحمل تسمية الرئيس الجديد دفعت بالشباب عالارض، لا مش بشباب الثورة اللي عم يطالبوا بالتخلص منهم يعني بهول الشباب لا يمكن هول هلق هول الشباب هني نسخة شبه متطابقة عن هول... هيك بس ينطال الزعيم، بيحملوا حالهم بينزلوا بكامل يأسهم عالطريق للدفاع عنه. هلق الغريب انه الزعيم هالمرة هو ما بده بس اللي صاير معه انه هو ما بده بس كمان ما بده حدا غيره. واكيد اكيد الريس الكبير زعل انه يأخذ باس ليختار عن طائفة بكاملها المصيبة كنا مفكرين انه السيد اختار للسنة طلع وئام وهاب ما بعرف انه هيدا تعويض عن الانتخابات النيابية ما طلعت نائب اختار رئيس الحكومة؟ ميثاقية مش ميثاقية مش مهم هيدي ميثاقية عند السلطة متل رفع السرية المصرفية كارت متل الجوكر بتسحبه عندما تقتضي الحاجة المشهد شبه موحد من رمي الحجارة لحرق الدواليب والاصطدام مع قوى الامن والجيش، مننسى البطالة الفساد السرقة المحسوبيات الغداء والدولار هيك بصير المشهد مجموعات نازلة بكامل فقرها تدافع عن الزعيم بتشتبك مع اشخاص وظيفتها تدافع عن الزعيم وبدور مشهد سوريالي على تخوم قصور الزعما هلق هني رؤساء بالاسم زعمًا طوائف بالفعل مكملين حياتهم بشكل طبيعي بيلتقوا بيتداولوا بيتغدوا بيتصوروا لا وشوا؟ بيستقبلوا زوار من الخارج هيدا الخارج اللي ثورة متهمة بالتعامل معه، هيدا الخارج الملفوف بالمؤامرة، اللي وزع خطط وممول البوسطة وضخ مناقيش بالساحات، هيك عادي بيجي بيلتقي الكل... ان شاء الله موت اذا عم كذب بس هيك التقاهم كلن يعني كلن ما عدا الثوار اللي بالمبدأ هو داعمهم... اجا دعم وعوّم وسلّم وانتشرت الصور بارجاء الاعلام غطت على كتاب الف صورة وصورة الكل مبتسم الكل مرحب الكل مؤهل... حلفاء الخط الممانع لا تقل فرحتهم باستقبال هيل ابدا عن التانيين، لا بل وجدوا بهالزيارات ريق اميركي حلو فصارت ضحكنهم لورا دينيهم ... خليني ساكتة

الفئة