طريقة عمل البوريك التركي بالجبنة و البقدونس

اليوم عنا طريقة عمل البوريك بحشوة الجبنة و البقدونس بعجينة اليوفكا و لكن هالمرة هنعمله بطريقة جديدة بحيث يكون معنا بقوام مقرمش و لذيذ و فيكم تعملوا البوريك بنفس الطريقة ولكن بحشوات مختلفة على حسب الرغبة و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض .حتى لا يفوتكم وصفاتنا يمكنكم الاشتراك فى القناه. /c/elmatbakhelturky المكونات: 3-4 قطع من عجينة اليوفكا حبة البركة مكونات الحشوة: 350 جرام من الجبنة البيضاء 1\4 حزمة من البقدونس مكونات الصوص: 1 كوب من الزيت 3 ملاعق كبيرة من الطحين 1 ملعقة كبيرة من الخل لدهن قطع البوريك: صفار البيض طريقة التحضير: 1- بالبداية لتجهيز صوص البوريك هنضيف في طبق مناسب الزيت، الطحين و الخل و نخفق كل المكونات مع بعض منيح و هيك بيكون جهز معنا الصوص 2- بعدين هننتقل لتجهيز حشوة البوريك و هنضيف في طبق مناسب الجبنة البيضاء و هنفرفطها بمساعدة الشوكة بعدين هنضيف شوي من البقدونس و هنكون فارمينه على شكل ناعم و نحرك كل المكونات مع بعض منيح و هيك بتكون جهزت معنا الحشوة 3- اما هلق هننتقل لتجهيز البوريك و هناخد قطعة من عجينة اليوفكا و نحطها على الطاولة و هندهن نصف العجينة بالصوص اللي جهزناه من كل الأطراف بشكل متساوي بعدين هنسكر النصف التاني من العجينة و هندهنها كمان مرة بصوص البوريك بشكل منيح 4- و لما نخلص هنقطع عجينة اليوفكا على شكل مثلثات و بالمجموع صار معنا 6 قطع من عجينة اليوفكا هلق هننتقل لإضافة الحشوة اللي جهزناها و هنضيفها على طرف العجينة بعدين هنسكر العجينة بالبداية من الاطراف بعدين على شكل الرول 5- و هنكمل بنفس الطريقة لحتى تخلص معنا كل الكمية و لما نخلص هنحط كل قطع البوريك في صينية الفرن و نترك فراغات متساوي بين كل قطعة و قطعة 6- اما هلق هناخد حبة من صفار البيض و ندهن قطع البوريك بالبيض من كل الأطراف بشكل متساوي و لحتى تعطينا طعم أجمل هنرش شوي من حبة البركة او السمسم و طبعا هي الخطوة على حسب الرغبة 7- و اخيرا هندخل البوريك على فرن حامي على درجة حرارة 180 لمدة 35 دقيقة و نتركهم لحتى يجهزوا معنا و لما تخلص معنا المدة هنطالعهم من الفرن و نقدمهم بالشكل و الطريقة اللي منحبها و صحة و عافية طريقة عمل البوريك التركي بالجبنة /watch/M4Kgw3rCCfuCg طريقة عمل بوريك السبانخ و الجبنة البيضاء /watch/AlKvY43mjtDmv طريقة عمل البوريك التركي باللحمة المفرومة /watch/8PoPY-eaVWSaP طريقة عمل البوريك الكذابي /watch/08vnXlpQcTiQn اعملي بوريك السبانخ خطوة بخطوة بنفسك /watch/UfICKj_bnizbC أسهل طريقة لعمل بوريك البطاطا /watch/4cE-ceeV81wV- طريقة عمل قطع البوريك بالجبنة /watch/QJ0xKj-INQjIx يمكنكم الاشتراك فى صفحتنا على الفيسبوك. https://www.facebook.com/elmatbakh.elturky يمكنكم متابعتنا على الانستغرام. https://www.instagram.com/elmatbakh.elturky

الفئة